واحد صعيدى بيقول لصاحبه شوف العالم الهطله يدفعوا 25 مليون علشان بن لادن أمال لو كان بن محوج كانوا عملوا إيه

صعيدي أشترى تاكسي كل لما حد يقوله تاكسي يقوله أيوه تاكسي

مجموعة صعايده ماتوا غرقانين في غواصة بعد التحقيق في الحادث اكتشفوا أن واحد فيهم سمع خبط بره فتح يشوف مين .

بيسألوا واحد صعيدي بيقولوله المصري بنى الأهرامات والياباني بنى إيه قالهم بنا سونيك .

اربع صعايدة راحو يلعبو بلياردو، واحد منهم وقف فوق الطرابيزة وقال لهم انا الجوووون

واحد بلدياتنادخل حمام افرنجي اخد معاه مترجم

صعيدى طلع رحلةو قعد جنب السواق فالسواق نزل استراحة ورجع لقى الفتيس مش موجود قالوا الفتيس راح فين...قالوا لجيتك طول الطريق عمال تشد فيه مش عارف تخلعه جولت اشلهولك

صعيدى بيقول لصاحبه .. بالي مشغول من امبارح يا هريدى قاله يبجى اكيد حد رافع السماعه

صعيدي حب واحده أتجوز أختها علشان يضمن يشوفها كل يوم .

الصعايده فتحوا محل بيتزا سموه بيتزا هعععععععععع .

10 صعايده بيتعلموا ربط الكرافتة 6 ماتوا و 4 في حاله حرجه.

صعيدى و صاحبه قاعدين عالقهوة بقالهم يجى ساعة ده يقوله دش والتانى يقوله لع ده دبش يقوله لع دش يقوله وانى بجولك دبش صاحب القهوة نادى عالصبى قاله روح يابنى شيل الشطرنج ده من ادامهم

صعيدى عرف ان الجلد موضة مشى عريان

صعيدى دخل راسه فى قفص الاسد الحارس قاله انت بتعمل ايه يا بويا قاله يا عم ما تخافش واحنا هناكله

صعيدي بيعمل كشف نظر طلع نظره 6/6 فصاحبه بيقوله مش كده تمام قاله أنا كنت ممكن أجيب أكتر من كده بس الدكتور اللي لخبطني .

صعيدي قال لأبوه أنا عاوز موبايل قاللوا هادبهولك بس تركب أخواتك معاك .

صعيدي راح لدكتور بلدياته قاله يا دكتور كل أما أحط أيدي على عيني مشوفش الدكتور خرمله أيده .

صعيدي مفتاح عربيته ضاع ميكانيكي جه فتحاله بطفاشه تاني يوم عمل نسخه من الطفاشه

صعايده سمعوا عن اختراع أسمه السيفون حبوا يعرفوا هو إيه بعتو واحد منهم القاهرة لما رجع قالهم أما السيفون ده حتة اختراع يا رداله تدوس على السيفون تنزلك الميه ويا تلحق تشرب يا متلحقش

قرر شيخ الصعايدة أن يثبت بأن الصعايدة اذكياء جدا. فجمع اكبر عدد منهم في برنامج يبث على الفضائيات مباشرة وقال لهم : بصوا..هاسألكم سؤالين السؤال الأول : مين اللي فاز بمعركة أ ُحد؟ المسلمين وإلا المشركين؟ جاوبوه: المشركين انبسط اوي السؤال التاني: مين فاز بالمباراة امبارح بالليل؟ البرازيل وإلا الأرجنتين؟؟ جاوبوه: البرازيل انبسط كتير لإنهم طلعوا أذكياء قدام الكاميرات.. فجأة رفع صعيدي اصبعه، فأدوه الميكرفون.. فقال: معلش يا كبيرنا،سؤال لو سمحت قال شيخ الصعايدة: تفضل يا بني. قال الصعيدي:يعني دلوقت البرازيل والمشركين هيلعبوا ع النهائي؟

واحد صعيدى جاب عربيه بى ام دبليو طبعا العربيه فيها كومبيوتر اى حاجة تحصل فى العربيه الكمبيوتر بيصلحها الصعيدى قالك انا لازم اجرب الكمبيوتر دة راح على الباب الشمال وكسره. ..راح الكمبيوتر قال \يا ايها الباب ارجع كما كنت فرجع الباب سليم .الصع…يدى راح كسر الباب اللى على اليمين.الكمبيوتر قال\يا ايها الباب ارجع كما كنت فر…جع الباب سليم. الصعيدى استحلاها طلع فوق الكوبرى ونط بالعربيه من فوق الكوبرى .الكمبيوتر قال\يا ايتها النفس المطمئنه ارجعى الى ربك راضيه مرضيه

واحد من بلدياتنا اشترى مراية.الصبح مراته بصت فيها و فضلت تعيط.راحت للعمدة و قالتله يا عمدة …جوزي اتجوز علي.فقال لها العمدة تعالي نروح .. نتأكد.فراح و بص في المراية و قال ده جاب عمدة تاني كمان

واحد صعيدي وواحد امريكي وواحد ياباني تايهين في الصحراء بقالهم ثلاثة ايام وفجأة ظهرلهم الجني وقال كل واحد فيكم ليه طلب واحد بس الامريكي قال عايز اروح بلدي ونفذله الجني طلبه الياباني قال عايز اروح بلدي ونفذله الجني طلبه راح الصعيدي قاله واه هما سبوني لوحدي هاتهم لي تاني

بلديتنا عايز يعلم ابنه انجليزى راح ابتدائي منفعش راح ثانوى منفعش راح الجامعة منفعش قال لازم اوديه انجلترا واجوزه واحدة من هناك عشان يعرف يتكلم انجليزى راح مجوزه واحدة من انجلترا فى الصباحية بيقولها "مستر هريدى موجود؟" قلتلوا "نجوله مين؟"

مرة واحد جاب بغبغان هدية لواحد صعيدى وبعد كام يوم سألة ايه اخبار البغبغان؟؟ قال له عادى يعنى طعمة طعم فراخ

صعيدي جزمته اتقطعت خيطها وبعد أسبوع لقاها كويسه فك الخياطه.

صعيدي قال لأبوه: رخصة السواجة خلصت يابوي قاله:من لفك في الشوارع طول النهار يابن الدزمة.

واحد صعيدى راح لواحد بياع تيليفزيونات بيسأله عندك تيليفزيونات ملونة؟ البياع قال له ايوه راح الصعيدى قايله ادينى واحد أخضر

واحد بلدياتنا اتعزم فى حفلة تنكرية قام غسل وشه

صعيدي سألوه ما هو السيفون؟؟ قال:صندوق بحبل لما تشده يا تلحق تشرب يا متلحقش

مره واحد صعيدى قابل واحده اجنبيه سالها : انتى منين قالتله: what؟ قالها: اجدع ناس الوتاوته

بلدياتنا مراته ولدت بنت الساعه 3 بعد نص الليل ... دبحها وجال ماعنديش بنات تيجى آخر الليل

مرة واحد صعيدي راح محل جاتوه قال للراجل عندك جاتوه قاله ايوه قاله طب اديني قفصين

صعيدي اخد شهادة الدكتوراة قال لمراته والله ما خبرشي ليه الناس بيضحكوا عالصعايدة؟ اديني جبت الدكتوراة فقالت له مراته : دق عالخشب لا تصيبك عين قام دق عالخشب قالت : مين عالباب؟ قالها خليكي هنا حشوف مين

واحد بلدياتنا راكب القطر ومعاه ابنه ومش عاوز يدفع له تذكرة .. فلما جه الكمسرى حط ابنه فى شوال ومسكه بايده برة الشباك فالكمسرى بيقوله ايه اللى مطلعه فى ايدك برة ده .. فدخل ايده جوة وقال له مافيش حاجة

اتنين بلدياتنا زهقوا من التريقة عليهم فهاجروا الهند أول مانزلوا من الطيارة لقوا الهنود بينحنوا عشان يحيوهم فواحد منهم سأل الثاني هما بيحترمونا كدة لية؟ قال له أصلهم هنا بيعبدوا البقر

واحد بلدياتنا كان راكب الطيارة هو و ابنه و كان في الطيارة عصام الحضري, فالطيار قال احنا لازم نستغل فرصة ان معانا عصام الحضري و نعمل مسابقة نسلي بيها الركاب. راحوا قايلين لبلدياتنا احنا حنفتح باب الطيارة و حيقف الحضري عليه كأنه جون و انت حترمي عليه ابنك , و ما تخفش ده احنا معانا الحضري. و وافق بلدياتنا و وقف الحضري على باب الطيارة, و بلدياتنا مسك ابنه و قام مهوش يمين قام الحضري ناطط يمين, راح بلدياتنا رامي ابنه شمال

واحد بلديتنا رجع بيته لقى مراته فى السرير مع أثنين .. صرخ وهاج مراتى بتخونى ... بسرع رد عليه شاب منهم احنا الكاميرا الخفية لو مش عايز تذيع قول ما تذيعشى رد بلديتنا لأ ذيع خللى الناس تنبسط

مره واحد بلدياتنا اتجوز جه ابو العروسة قاله لو لقيتها بنت اضرب طلقتين فى الجو وفرحنا ولو لقيتها مش بنت اقتلها واغسل عارنا..اول يوم ضرب طلقتين وتانى يوم موتها

صعيدى اشترى لإبنه آلة حاسبة شال منها الزيرو علشان إبنه مايتصلشى دولى

واحد بلدينا اشترى موبايل، ركبله جهاز اظهار رقم الطالب

واحد بلدينا عايز يعمل عملية انتحارية، قام دخل مطعم وضرب نفسه بسكين تلاتة زباين ماتوا من الضحك .

صعيدى بيدلع مراته بيقولها نفسى ادوس على وشك بجزمتى قالتله ليه قالها عشان ابقى اول صعيدى يمشى على سطح القمر

الموساد قرر أنه يشغل جاسوس صعيدى عنده بعد طول بحث أستقروا على هريدى راحوا لهريدى و أخدوه تل أبيب و قعدوا يدربوه 6 شهور و بعدها قالو ليه أنه كدة جاهز للمهمة بتاعته هريدى : يعنى حارجع مصر مدرب الموساد : أيوة .. تروح و تنفذ كل التعليمات اللى قلنالك عليها هريدى : طب ازاى حاتصل بيكم مدرب الموساد : لا لا .. انت ماتتصلش .. احنا لما نحب نتصل بيك حانبعتلك مندوب يقوللك ازايك و ازاى امك .. تعرف أنه تبعنا .. ماشى يا هريدى هريدى : تحت أمرك يا فندم و بالفعل رجع هريدى مصر .. و بعد شهرين أحس الموساد انه لازم يتصل بهريدى .. فراحوا باعتينله مندوب المندوب لبواب العمارة بتاعت هريدى : هو هريدى ساكن فى أنهى شقة البواب : أنهى هريدى يا بيه .. العمارة فيها 4 هريدى المندوب خاف لحسن العملية تنكشف : قولى شقة أى واحد فيهم البواب : عندك واحد ساكن فى الدور الأول طلع المندوب و خبط على الشقة اللى فى الدور الأول المندوب : أنت هريدى .. ازايك و ازاى أمك هريدى : أنت عايز هريدى الجاسوس .. هو ساكن فى الدور الرابع

واحد بلدياتنا راح عند الدكتور بيشتكى من ألم في بطنه ، فسأله الدكتور : أكلت إيه ؟ فقاله : علبة سردين . فقال الدكتور : كان بايظ؟ فقاله : مش عارف ما فتحتش العلبة

واحد بلدياتنا قال لأبوه أنا عاوز موبايل.. أبوه قاله موافق بس بشرط تركب أخواتك معاك

مرة واحد مسئول بيفتتح حمام سباحة (للصعايده) فالمدير قال له "ده المنط يا فندم 30متر، قوم نط يا مرزوق" فنط مرزوق . "وده يا فندم منط 50 متر قوم ياعوض نط" فنط عوض ."وده يا فندم منط 80 متر قوم يا نجيب نط" فنط نجيب، فقال المسئول "هايل ..هايل .." قام المدير قال "ولسه يا فندم لما نملى الحمام ميه"

صعيدي عايز يعمل عمليه انتحاريه عمل بروفة قبلها بجمعه

مره واحد بلديتنا كان بيدق مسمار فى الحائط فالمسمار وقع منه فقال له :تعالى مجاش, فقال له: تعالي مجاش. فراح بلديتنا رامي على المسمار شوية مسمامير وقال: هاتوه.

اربعه بلدياتنا بيلعبو علي الطريق السريع الي العربيه تخبطه مرتين يطلع بره

واحد بلدياتنا عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى خمسميه... بلدياتنا مكدبش خبر... وأول ما الدنيا ليلت راح للسرير وبدا يعد .. واحد .. اثنين .. ولما وصـل الى ميه وتسعة وتسعين ... جـاه النوم … قـام غـسـل وشه ورجــع للـسـريـر يـكـمـل الـعـد

جماعة بلدياتنا عملوا أتوبيس بالعرض عشان يركبون كلهم قدام

مرة واحد بلدياتنا عرف ان الجلد موضة مشى عريان

مرة واحد بلدياتنا ضاعت محفظته راح القسم عمل محضر الظابط بيقولوا ماتقلقش يابلدينا هنجبهالك من تحت الأرض وبعد ما خرج من القسم شاف الناس بيحفروا للخط بتاع المترو راح قايلهم الهمة يارجالة سودة وبسوستة

مره خمس صعايده داخلين امتحان فجالهم سوال ما هي عدد ارجل المعزه؟ كلهم قعد بقي يسالوا الدحيح بتاعهم مكنش بيرد عليه بعد الامتحان بيسالوا انت مكنتش بترد ليه قالهم اصل المراقب كان جنبي معرفتش اطلع المعزه

بلدياتنا جامدين قاموا زوروا ورقة ب 18 جنيه,واحد فيهم نزل يجربها في بلدياتهم على أول الشارع وبيقوله:مساء الخير يا بوي, ألاجيش معاك فكة 18 جنيه قاله:حظك يا ولد معايا أخر تسعتين

اتنين بلدياتنا زهقوا من التأليس عليهم فسافروا الهند.أول مانزلوا من الطائرة لقوا الهنود بينحنوا عشان يحيوهم فواحد منهم سأل الثاني هما بيحترمونا كدة ليه ؟ قال له أصلهم هنا بيعبدوا البقر.

واحد صعيدى راح يسرق بنك عريان ملط فواحد صاحبه قابله فى السكة مالكل يا سبع الليل إتجننت واللا ييييههه؟ جال له عشان ما نتمسكش متلبس

صعيدى فى النور والأمل للمكفوفين ألقى خطبة جمعة موضوعها ( غض البصر ) !!

واحد بلدياتنا كان ماشى في الشارع و حاطط على كتفه تمساح شافه ظابط قاله ايه يا راجل يامجنون امشى وديه جنينه الحيوانات وتانى يوم شافه الظابط تانى ماشى و على كتفه التمساح " قاله يا راجل يا مجنون مش قلت لك وديه جنينه الحيوانات " رد عليه " ما انا وديته امبارح جنينه الحيوانات و النهارده ها وديه السينما"

واحدة صعيدية رماها زوجها من الدور الثالت طلعتله وقالتله بلاش الهزار البايخ ده

كان في خمسة صعايدة سموا حالهون الشجعان الثلاثة

واحد صعيدي راح للدكتور بعد ما كشف عليه قاله اطلع اعمل اشاعة, الصعيدي ركب الاسانسير لقاه كله مرايات افتكر هو ده جهاز الاشاعة فقلع ملط و وقف مستني , شوية ممرضة بتفتح الأسانسير شافته راحت مصرخة , قالها :يالهوي سرطان؟

واحد بلديتنا دخل على واحد صاحبه لقاه بيلعب دومينو مع الحمار قاله ياراجل بتلعب دومينو مع الحمار قاله الحمار الى مش عجبك ده غالبنى عشرين دور

بلدياتنا راح السفاره الامريكيه علشان يسافر امريكا فقلوله انتا معاك لغه فقلهم لغة اه الحكايه كلها عملية فهلوه فسفروه فعدى من قدام مكان فيه فرح كبير قوى فسال واحد خواجه فساله(هو فرح مين ده يا خواجه) فقله اي دونت نوه فعدى تانى بعدها بيوم فلئى جنازه كبيره قوي في نفس المكان فسال واحد خواجه (هو مين الي مات) فقله اي دونت نوه فقله لاحول ولا قوة الا بالله دكان لسه فرحه امبارح

مرة واحد بلدياتنا قطع تذكرتين فى الأوتوبيس، سأله الي جنبه ليه قطعت تذكرتين؟ قاله عشان لو تذكرة ضاعت يبقى معايا واحدة تانية، قال له طب لو التانية ضاعت تعمل إيه قال له طيب ما أنا معايا الابونيه

صعيدي واقف فى ميدان التحرير بيقلع هدومه ؟ سألوه: ليه بتعمل كده؟ فقال: أصل الكمسرى قال لى علشان أروح شبرا لازم أغير فى التحرير

مرة واحد بلدياتنا وقع فى حفرة نزلولوا حبل طلع مخنوق

عشره صعايدة محششين بيحششو البوليس كبس عليهم خمسه اتمسكو وخمسه استخبوا فى البوكس

صعيدي بيقول لشيخ هو ينفع الصلاة من غير وضوء قاله لأ ماينفعش طبعاً قاله ايه رأيك جربت امبارح و نفعت

واحد صعيدى راح يشترى لمراته جزمة فراح لمحل وقال لصاحب المحل عايز جزمه من غير كعب وخفيفه شويه ورخيصه صاحب المحل قال ماشي وجاب الجزمه فقالت مراته ده مينفعش انا عايزه بكعب ودبت خناقه فصاحب المحل قرف منهم فقال للصعيدي متخدها بكعب هو انت الى حتلبسها قال لع من غير كعب هو انت الى حتنضرب بيها

واحد ماشي في الشارع بيقول الله يخربيتك يا سمير …. أمين شرطة ضربه على قفاه و قاله و كمان مش عارف اسم الريس يا ابن الكلب

واحد صعيدي عاوز يقتل مراته حطيلها مسدس في الشوربة

واحد صعيدي نزل في محطة الرمل رجلة غرزت

بلدياتنا دخل الجيش ووقف حراسة على بوابة معسكر عدى عليه الشاويش وقاله:اللواء “فريد” جه؟ قاله : ماجاش يا شاويش “محمد” وبعد ساعة رجع له الشاويش محمد وسأله اللواء “فريد” جه؟ قاله لسه ما جاش. وبعد ساعة أخرى رجع له تانى وسأله اللواء “فريد” جه؟ قال له لسه ما جاش. وبعد ساعة جه اللواء “فريد” قاله العسكري: أنت فين الشاويش”محمد” حيخرب بيتك